Quomodo oportet in Graecis Latinisque textis verba distinguere, ubi commata scribere? Certe, in temporibus antiquis nulla punctuatio erat, nunc autem non possumus ab verborum interpunctis abstinere. Alicubi legi quod Latine scribentes fere regulas punctuationis eorum linguarum natalium tenent. Num regulae certae non sunt? Nullus consensus?
Parva sciens, puto nulla esse.
Scripta quae a Sancta Sede vulgantur punctuationem secundum morem anglicum interdum adhibere videntur, ut in documentis Concilii Vaticani Alterius, et nonnumquam gallicum, ut in Catechismo. Haec autem libertas pulchra mihi videtur, in nulla enim alia lingua qualibet punctuatione uti licet.
Vide Thomas Habinek, Colometry of Latin Prose, post Ed. Fraenkel, Kolon und Satz.
Dicis “Certe, in temporibus antiquis nulla punctuatio erat.” Immo erat.
Rogas autem “Nullus consensus?” Nullus.
Nicanor “stigmatias” in temporibus antiquis systema quoddam ingeniosissime elaboravit octo e formis punctorum inter se diversis constans ad cola et commata in Homeri poematibus discernenda. quo tamen nemo usus est.