Salvete!
Today’s APOD (Astronomy Picture of the Day) was an especially tough nut to crack. I almost bailed out. This is what I got:
67P 3D (29 NOVEMBRIS 2014)
http://apod.nasa.gov/apod/ap141129.htmlExprome vitra ocularia vitriis rubro caeruleoque colore praedita et pendê prope cometam! Cum “Philae”, modulus spatialis descensionis [1] navigationis speculatoriae nomine “Rosetta”, diê duodecimô (12) mensis Novembris ad nucleum cometae 67P/Churyumov-Gerasimenko laberet, instrumentô photographicô ROLIS usus est ad duo photographemata facienda. Postea illîs imago haec stereoscopica, quâ cometa trimensuraliter videatur, composita est. Pictura circa unam horam, antequam Philae solum attinxit, e distantiâ circiter trium chiliometrorum facta est. Paene angusta tantum pars nuclei cometae insoliti, qui duôbus lobîs [2] praeditus est, videtur. Primus situs descensionis moduli Philae est prope centrum lobi nobis adversi. Pars pedis apparatûs descensionis in angulô dextrô et superiore videtur, hoc est, in parte anticâ prospectûs trium mensurarum. Postquam Philae primô superficiem tetigit, propter vim gravitatis debilem bis resilivit. Qui descensionem inspiciebant, imaginibus singula optimê reddentibus, quae a satellite arteficiali “Rosetta” factae sunt, unâ cum datîs instrumentorum modulî descensionis usi sunt ut iter Philae in superficiê cometae ex tempore factum sequerentur. Sic aream invenerunt, ubi veri similiter est modulum denique iacêre.
[1] del Col’s neo-Latin dictionary uses “modulus spatialis” for the Huygens probe. I added “descensionis” to make the term more specific (the International Space Station also has "modules). Lewis & Short lists this word “descensio”, so I felt free to use it.
[2] According to Merriam-Webster the word’s “lobe” origin is Middle French from Late Latin “lobus” from Greek “lobos”.
Your comments/corrections are welcome!
Valete,
Carolus Raeticus