Salvete!
Ut artem Latine scribendi discam, hunc textum brevem e serie Astronomical Picture of the Day ex Anglicô in Latinum converti:
ANIMANS E LACUNA RUBRA (25 NOVEMBRIS 1995)
Qualis animans latet prope Nebulam Lacunae rubrae? Est Mars. Hoc splendidum photographema coloratum caeli profundi planetam rubrum infra duas nebulas insignes praetereuntem captavit. Hae nebulae a tabulariô cosmicô saeculi duodevicesimi Carolô Messier numerîs M8 et M20 in catalogum redactae sunt. Nebulae Trifidae (ad dextram centri et superius), M20, colores ruber caeruleusque et semitae pulvereae notabiliter inter se discrepant. Haud multum ad dextram et inferius est ardor ruber latus blandusque Nebulae Lacunae, M8. Utraque nebula nonnullos annos luce mensos a nobis distat. Comparationis causâ addatur Martem, eô momentô infrâ ambas situm, pharum caelestem maximi momenti nostrae “vicinitatis” esse. Cum hoc photographema mense proximô exeunte factum esset, planeta ruber, accessui suo ad Terram proximo propinquus, pauca tantum minuta luce mensa aberat.
Valete,
Carolus Raeticus