Salvete,
today’s APOD-translation offers supernova remnants and an emission nebula:
SHARPLESS 249 ET NEBULA MEDUSAE (3 DECEMBRIS 2014)
Nebula Medusae, quae luce debilis et difficilis visu est, in hâc imagine telescopicâ amoenâ, ex nonnullis picturîs compositâ, capta est. Duae stellae clarae, Mu et Eta Geminorum, in pede Geminorum caelestium sitae, locum huius conspectûs designant. Nebula Medusae est dorsum emissionis lucis clarum et arcui simile cum flagellîs dependentibus, quod ad dextram centri et inferius videtur. Re verâ medusa cosmica est pars reliquorum supernovae IC 443 figurâ bullae visae, nubis ruderum increbrescentis stellae magnae massae displosae. Plus quam triginta milia (30,000) annorum ante, primô lux huius explosionis planetam Terram attigit. Instar consobrini in fluctibus astrophysicîs nebulae Cancri, cognitum est Nebulam Medusae stellam neutronicam, hoc est reliquum nuclei stellaris collapsi, in centrô habere. Nebula lucem emittens, nomine Sharpless 249 in catalogum redactam, campum visificum ad laevam et superius complet. Nebula Medusae circa quinque milia (5,000) annorum luce mensorum (a.l.m.) abest. In hâc distantiâ haec imago composita lucis paucarum tantum longitudinum undae circa trecentos a.l.m. distet.
Valete,
Carolus Raeticus
