Salvete omnes,
I had to rush through today’s translation of the APOD (Astronomical Picture of the Day). I hope it still works:
STELLAE ET COLUMNAE PULVERIS IN NGC 7822 A “WISE” VISAE (1 DEMBRIS 2014)
http://apod.nasa.gov/apod/ap141201.htmlStellae iuvenes calidaeque et pilae cosmicae gasii in NGC 7822 coartari videntur. Haec regio ardens generationis stellarum circa tria milia (3,000) annorum luce mensorum (a.l.m.) abest, in margine nubis molecularis immanis, quae constellationem septentrionalem Cephei versus sita est. Intra hanc nebulam margines lucidae et signa pulveris multiplicia hunc conspectum caeli, qui multa singula monstrat, dominantur. Imago luce infrarubrâ a satellite ordinis NASAe, cui nomen “WISE” (“Wide Field Infrared Survey Explorer”), facta est. Emissio atomica gasii huius cumuli a radiatione energeticâ stellarum calidarum energiam necessariam accipit. Venti fortes et lux harum stellarum figuras densiores columnis similes sculpunt et erodunt. Etiamnunc intra pilas stellae collapsû vi gravitatis effectô generari possint, sed dum columnae eroduntur, quaecumque stellae, quae gignuntur, denique copiâ materiae intercluduntur. Hic campus, in distantiâ aestimatâ nebulae NGC 7822, circiter quadraginta (40) a.l.m. a nobis distat.
Valete,
Carolus Raeticus