Page 3 of 3
Re: Grex Latinus Didacopolitanus
Posted: Fri Nov 06, 2020 10:01 pm
by bedwere
Nūntius Conventiculī Novembris.
Conveniēmus, amīcī meī, diē Sāturnī 14ō Novembris (a.d. XVIII Kal. Dec.), hōrā 13ā (1 P.M.) in āreā statīvā hāc:
16275 Espola Rd, Poway, CA 92064
Deinde ambulābimus Latīnē colloquentēs per Agrum Caeruleum (vulgō Blue Sky Ecological Reserve). Perveniēmusne ad Lacum Ramōnam?
Venīte bene calceātī!
Re: Grex Latinus Didacopolitanus
Posted: Sat Nov 14, 2020 11:48 pm
by bedwere
Imāginēs conventiculī hōdiernī
Hodiē, a.d. XVIII Kal. Dec., congregātī sumus trēs gladiātōrēs Agrō Caeruleō. Deinde usque ad lacum Pauiēnsem (vulgō Poway) ambulāvimus dē variīs rēbus colloquentēs. Inter quās, optimī ad Latīnum docendum librī, diēs āctiōnis grātiārum, S. Augustīnus, etc. Tandem reversī ad āream stātīvam valē dīximus. Futūrum autem conventiculum fīet in Monte Nigrō.
Rubus hic ubīque pullulat
Ecce lacus, ō amīcī!
Re: Grex Latinus Didacopolitanus
Posted: Fri Dec 11, 2020 8:28 pm
by bedwere
Nūntius Conventiculī Decembris
Conveniēmus, amīcī cārissimī, diē Sāturnī 19ō Decembris (a.d. XIV Kal. Jan.), hōra 13:00, in hortō ad pedēs Montis Nigrī:
9711 Oviedo Way, San Diego, CA 92129
Deinde poterimus sīve in hortō manēre sīve ad summum montem ascendere. Dē quō, audītīs sodālibus, ipsō diē dēcernēmus.
Re: Grex Latinus Didacopolitanus
Posted: Sun Jan 24, 2021 12:09 am
by bedwere
Prīmum conventiculum annī MMXXI
Hodiē gladiātōrēs trēs neque ventum neque pluviam timentēs ad pedēs Montis Nigrī convēnērunt. Mihi vērō pulchrum et bonum vidētur temporibus istīs per linguam Latīnam et amīcitiam nōs ad invicem rōborāre. Utinam aliī veniant ad proxima novī annī conventicula!
Nōs trēs
Jūdiciola et Jōannēs
In imbre Latīnē loquentēs
Re: Grex Latinus Didacopolitanus
Posted: Sat Feb 13, 2021 5:15 am
by bedwere
Re: Grex Latinus Didacopolitanus
Posted: Sat Mar 27, 2021 11:23 pm
by bedwere
Re: Grex Latinus Didacopolitanus
Posted: Sat May 08, 2021 11:16 pm
by bedwere
Re: Grex Latinus Didacopolitanus
Posted: Sun Jun 20, 2021 12:09 am
by bedwere
Imāginēs conventiculī
Hodiē convēnīmus in Convalle Pinnāculōrum quīnque gladiātōrēs ut ambulārēmus usque ad dējectum aquārum. Inter nōs adfuit prīmum Sebastiānus fīlius Jōhannis. Jūdiciola autem dēbuit abīre ante fīnem quia occupāta erat. Proptereā, prōh dolor, abest ab imāginibus.
Re: Grex Latinus Didacopolitanus
Posted: Sun Jul 18, 2021 12:41 am
by bedwere
Imāgō conventiculī hodiernī
Hodiē convenīmus trēs gladiātōrēs ut Latīnē colloquentēs ambulārēmus circā Sinum Missiōnis. Melius est enim diēbus aestīvīs prope mare congregārī. Circuitū autem complētō, reversī ad āream statīvam valē dīximus. Utinam plūrēs Augustō mēnse adsīmus!
Re: Grex Latinus Didacopolitanus
Posted: Sun Feb 06, 2022 1:09 am
by bedwere
Re: Grex Latinus Didacopolitanus
Posted: Sun Mar 13, 2022 12:11 am
by bedwere
Imāginēs conventiculī Mārtiī
Hodiē, ā.d. IV Id. Mār., convēnimus in convalle Rosārum ut Latīnē colloquentēs ambulārēmus. Trīstēs quidem ob absentiam Jūdiciolae, quae minus bene sē sentiēbat ut adesset, laetī autem quia Hieremīas cum uxōre Jōsēphīnā advēnisset, iter fēcimus usque ad fīnem convallis. Deinde, reversī ad āream stātīvam valē dīximus.
Re: Grex Latinus Didacopolitanus
Posted: Sun May 29, 2022 3:39 am
by bedwere
Imāginēs conventiculī
Hodiē septem gladiātōrēs convēnimus in campō Ūniversitātis Pūblicae Sānctī Didacī. Ibi Hieremīās testūdinem quam invēnerat in piscīnā posuit. Nōs autemlātrīnam prō Hieremīā invēnimus. Jōhannēs vērō locum bene sciēns ad pulchriōrēs locōs dūxit. Libentissimē Fidem et Alyssam discipulās suscēpimus. Ad proximum conventiculum, quō montem ascendēmus!
Testūdo
Exspectant Hieremīam
Heremīas melius sē sentit
Nōs omnēs
Hōrologium
Optimum aedificium
Re: Grex Latinus Didacopolitanus
Posted: Sun Jun 19, 2022 12:08 am
by bedwere
Imāginēs conventiculī
Hodiē convenīmus trēs gladiātōrēs ad ascendendum montem Cucullum. Dēfuit quidem amīcus Jōannis quī nōn vacābat.Latīnē ergō colloquentēs pervenīmus ferē usque ad montīs cacūmen. Grātiās agō vōbīs ob lepidam ambulātiōne, praesertim Leōnī quī etsī post morbum con valēscēns, voluit adesse. Cōgitātē dē opere nōbīs legendō in futūrō conventiculō, quaesō!
Re: Grex Latinus Didacopolitanus
Posted: Sat Jul 09, 2022 11:54 pm
by bedwere
Imāgō conventiculī hodiernī
Hodiē trēs gladiātōrēs in agrō Statiōnis Lībertātis ad Nepōtem legendum convēnimus. Legimus autem capita
I,
II,
III,
IV dē Themistoclē. Mīrus vērō ūsus subjūnctīvī in sententiā hāc:
barbarus [...] adeō angustō marī cōnflīxit, ut eius multitūdō nāvium explicārī nōn
potuerit.(
Nep. Them. 4.5)
explicātur
in librō hōc (389). Cum autem multa in vītā meā mūtātūra sint, ut scītis, tempore opportūnō certiōrēs vōs faciam. Valēte!
Re: Grex Latinus Didacopolitanus
Posted: Sun Dec 04, 2022 12:52 am
by bedwere
Re: Grex Latinus Didacopolitanus
Posted: Sun Jan 22, 2023 10:38 pm
by bedwere
Grex Latinus Didacopolitanus
In hāc imāgine, amīcī, trēs gladiātōrēs adsunt ante theātrum nōndum parātum quod in campō Ūniversitātis Californiae exstruitur. Quod hominēs indoctī, nec Latīnē nec Graecē scientēs, amphitheātrum appellant. Nam in amphitheātrō spectātōrēs circum scaenam sunt, in theātrō autem prō eā sedent. Aliae autem imāginēs dēsunt quia telephōnium meum exstīnctum est. Longē vērō per campum ambulāvimus, pōtiōnēs calidās sūmpsimus, amīcitiam renovāvimus. Ad proximum conventiculum!
Re: Grex Latinus Didacopolitanus
Posted: Sun Feb 26, 2023 2:58 am
by bedwere
Ecce, amīcī, quattuor gladiātōrēs in Lūdō Epīscopālī. Convēnīmus enim illic ubi Jōhannēs Leōque docent ut Latīnē inter nōs loquerēmur. Grātiās vērō agimus ambōbus quī hūmānissimē nōs accēpērunt. Campus autem pulcher mihi vīsus est, quamquam sacellum īnspicere nōn potuimus. Futūrō autem mēnsē iterum legere Nepōtem pergēmus.
Re: Grex Latinus Didacopolitanus
Posted: Sun Apr 16, 2023 1:47 am
by bedwere
Hodiē convēnimus in agrō Sinūs Missiōnis ubi novum gladiātōrem nōmine Gabriēlem libenter accēpimus. Gabriel, nātiōne Hungarus, medicus mūnere, cum dē nōbīs bona cognōvisset, ad conventiculum hodiernum praefuit. Mactē virtūte! Deinde, cum locum legendō aptum nōn invēnissēmus, Jōhannēs vehiculum suum līberāliter aperuit, ibique vītam Themistoclīs perfēcimus. Ideō, sī placuerit vōbīs, in futūrō conventiculō Aristīdem
(Nep. Ar. 1) legēmus
Re: Grex Latinus Didacopolitanus
Posted: Mon Jun 26, 2023 8:48 pm
by bedwere
Imāgō gladiātōrum
Ecce trēs gladiātōrēs dīligenter legentēs vītam illīus Pausaniae ā Nepōte cōnscrīptam. Proximō mēnse, cum ad fīnem capitis pervēnerimus, incipiēmus vītam Cīmōnis (
Nep. Cim. 1)!
Re: Grex Latinus Didacopolitanus
Posted: Tue Aug 22, 2023 5:01 pm
by bedwere
Imāginēs conventiculī hesternī
Heri in hortō prope domum Jōhannis jūcundum conventiculum factum est. Gāvīsī sumus quiaadfuit et Sebastiānus fīlius ejus in Angliam vespere profectūrus. Simul Nepōtem usque ad
Nep. Lys. 1 legimus. Optō vōbīs fēlīcem diem Solīs ā nūbibus occultātī!
Re: Grex Latinus Didacopolitanus
Posted: Sun Oct 08, 2023 7:07 pm
by bedwere
Conventiculum Octōbre
Adfuimus trēs gladiātōrēs ad conventiculum, legentēs usque ad
Nep. Lys. 4. Uxor autem mea Grātia imāginēs fēcit, in quibus et fīlium meum Philippum vidētis. Sponte quidem Rōmānō mōre salūtat, ego autem nōn docuit.
Re: Grex Latinus Didacopolitanus
Posted: Sun Nov 12, 2023 3:15 am
by bedwere
Conventiculum in centrō urbis
Hodiē iter fēcimus in centrum urbis ut convenīrent in aedificiō ubi Gabriēl habitat. Illīc, spectāta ā summō urbe, Nepōtem lēgimus usque ad
Nep. Alc. 4. Grātiās Gabriēlī agimus ob hospitālitātem! Proximō autem mēnsē, conventiculum fīet in campō Ūniversitātis Californiae. Audīvimus enim nōnnūllōs Jūdiciolae nostrae discipulōs Latīnē loquī cupere.
Re: Grex Latinus Didacopolitanus
Posted: Sun Dec 17, 2023 8:38 pm
by bedwere
Conventiculum Decembre
Ecce, amīcī, imāgō conventiculī hesternī in campō Ūniversitātis Californiae habitī. Etsī discipulī abfuērunt, jūcundē lēgimus usque ad
Nep. Alc. 6. Fēlīcem Chrīstī Nātīvitātem!
Re: Grex Latinus Didacopolitanus
Posted: Sun Jan 21, 2024 6:01 pm
by bedwere
Imāginēs conventiculī hesternī
Heri in bibliothēcā centrālī congressī, nōs trēs lēgimus usque ad
Nep. Alc. 8. Deinde librōs antīquōs ibi collēctōs īnspeximus. Nōnnūllī ipsōrum Latīnē scrīptī sunt. Ibīdem taberna librōrum parvī pretiī invenītur. Ad proximum conventiculum!
Nōs trēs
Psalmus XLII
Evangelium Arābicē et Latīnē
Re: Grex Latinus Didacopolitanus
Posted: Sun Feb 25, 2024 6:18 pm
by bedwere
Conventiculum dē Alcibiade
Convenīmus diē Sāturnī in hortō rosārum trēs gladiātōrēs. Deinde, legimus duo mīra, quae Gabriel nōbīs dederat, tardae Latīnitātis excerpta, prius adjūrātiōnem Graecīs litterīs Latīnē scrīptam, alterum ē Cōnfessiōne S. Patriciī. Tunc memineram dē sitū ubi opera in meliōrem Latīnitātem versa inveniuntur, praesertim
Itinerārium Ēgeriae et
Getica. Tandem ad Nepōtem conversī ad fīnem dē Alcibiade capitulī tantum virum admīrātī pervēnimus. Futūrō ergō conventiculō vītam Thrasybūlī incipiēmus
(Nep. Thr. 1).
Re: Grex Latinus Didacopolitanus
Posted: Sat Mar 16, 2024 11:40 pm
by bedwere
Imāgō conventiculī Mārtiī
Hodiē a.d. XVII Kal. Apr. congressī in Agrō Vīsiōnis Montānae sub tentōriō, quattuor gladiātōrēs tōtam Thrasybūlī vītam usque ad
Nep. Con. 1 lēgimus. Quae vērō tam mīrābilis fuit quam mors ignōbilis. Imāginem autem ūnam fēcī.