Salvete amici
Ut vera dicam rebus gramaticis frequentissime confundor nam attentionis inopia laboro. Neque mihi sunt multi libri qui consulantur quia nuper fere omnes qui mihi erant vendere coactus sum quia mox familia ad occidens patriae litus se movere cogitat. Ob hanc inopiam opum scholasticarum quotiescumqum res hujus generis agitantur fontes interretiales consulo.
Quo nos omnes utimur, ut suspicior, verborum index a honesto whitaker divulgatus nil de vi adverbiali verbi frequens dicit. Attamen quid inveni apud librum grammaticum a honestis Greenough et Allen exaratum quod aliquantulum lucis super hanc questiunculam obicere potest. Ecce
http://tinyurl.com/2tc3ot
De adjectivis quae vim adverbialem habeant
290. Adjectivum consentiens cum aut subjecto aut objecto (an verbis probis utar nescio) nonnumquam adhibetur ad actionem verbi qualificandam ita ut vim adverbi habeat.
Deinde diversa dantur exempla:
Primus venit. He came first
Nullus dubito. I no way doubt.
Laeti audierunt. They were glad to hear.
Erat Romae frequens. He was often at Rome.
Serus in caelum redeas. May you return late to heaven.
Hanc ultimam sententiam Horatius noster de emperatore augusto scripsit ut concordiam celebraret quam hic instituerat per terrarum orbem. Mihi aliud exemplum occurrit: Praeceps cecidit in orcum - he/she fell headlong into hell. Exemplis funditus consideratis satis mihi liquet - nisi peritores homines fontes majoris auctoritatis citare possunt - verbum "recens" adjectivum esse quod nonnumquam imbuitur vi adverbi. Ut valeatis quam pancratice ex imo corde exopto amici spectatissimi!
Postscriptum: Vellem scire quomodo nobis dicenda sunt verba anglica "subject" et "object". An scite scripsi supra annon ?
