Καταστερισμοὶ ἢ Ἀστροθεσίαι

YouTube · Post by **bedwere** » Wed Feb 04, 2015 2:26 am

Οἱ Καταστερισμοὶ ἢ αἱ Ἀστροθεσίαι ἐπιγραφή ἐστι βίβλῳ ἐχούσῃ τοὺς περὶ τῶν τε ἀστέρων καὶ τῶν ἀστερισμῶν μύθους, τοὺς τῶν παλαιῶν Ἑλλήνων. Αὕτη δὲ ἡ βίβλος λέγεται εἶναι ἐπιτομὴ ἐν τῷ πρώτῳ μετὰ Χριστὸν ἀιῶνι συλλεγμένη μείζους τεύχους τινὸς ὃ Ἐρατοσθένης ὁ ἔνδοξος ἀστρονόμος ἔγραψεν. Ἐν δὲ τοῖς μέλλουσιν μησὶν ἐπιθυμῶ φωνῇ μεγάλῃ ἀναγιγνώσκειν πᾶσαν τὴν βίβλον ἠχωγραφὰς ποιῶν. Καὶ δὴ καὶ εὑρήσομαι πίνακας ἵνα δεικνύω τοὺς περὶ τῶν ἀστέρων μύθους, γράφων ὑπομνήματά τινα.

YouTube · Post by **bedwere** » Sun Feb 08, 2015 1:19 am

Ἄρκτου μεγάλης

Ἡ τοῦ Λυκάονος θυγάτηρ μετὰ τῆς θεοῦ Ἀρτέμιδός τε καὶ τῶν νυμφῶν ἐθήρευεν. Ἐπεὶ ὁ Ζεὺς συνέμειξεν αὐτῇ, συνέλαβε τέκνον. Ἡ δὲ Ἄρτεμις, εὑροῦσα αὐτὴν ἐν γαστρὶ ἔχουσαν καὶ διόπερ πολὺ ὀργισθεῖσα, εἰς ἄρκτον ἤλλαξεν αὐτήν.

Ἡ δὲ ταπεινὴ γυνὴ, ἄρκτος γεγονυῖα, ἔτεκεν υἱόν, ᾧ ὄνομα Ἀρκὰς ἦν. Ἡ δὲ μήτηρ καὶ ὁ υἱὸς διεχωρίσθησαν πολλὰ ἔτη. Τότε μὲν ἡ ἄρκτος παραβαίνει τὸ τοῦ Δίος ἱερόν, ὁ δὲ Ἀρκάς, φύλαξ αὐτοῦ ὤν, οὕτω διώκει αὐτήν ὥστε ἀποκτείνειν. Μὴ τοῦτο γένοιτο, ὁ Ζεὺς ἄμφω εἰς τὸν οὐρανόν μετέθηκε.

Ὁ τῆς μεγάλης ἄρκτου ἀστερισμός

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

Markos · Post by **Markos** » Sun Feb 08, 2015 7:03 pm

ὁ οὖν Ἀρκάς, μέλλων τὴν ἀρκτὸν ἀποκτενεῖν, οἶδε ὅτι τὴν μητέρα ἀποκτείνοι?

YouTube · Post by **bedwere** » Sun Feb 08, 2015 7:08 pm

Markos wrote:ὁ οὖν Ἀρκάς, μέλλων τὴν ἀρκτὸν ἀποκτενεῖν, οἶδε ὅτι τὴν μητέρα ἀποκτείνοι?

Ὁ μὲν μῦθος οὐ λέγει τοῦτο, νομίζω δὲ ἔγωγε ὅτι ὁ Ἀρκὰς οὐ ᾔδειν.

Markos · Post by **Markos** » Sun Feb 08, 2015 7:41 pm

bedwere wrote:
Markos wrote:ὁ οὖν Ἀρκάς, μέλλων τὴν ἀρκτὸν ἀποκτενεῖν, οἶδε ὅτι τὴν μητέρα ἀποκτείνοι?
Ὁ μὲν μῦθος οὐ λέγει τοῦτο, νομίζω δὲ ἔγωγε ὅτι ὁ Ἀρκὰς οὐ ᾔδειν.

ἴσως μὲν καλῶς ἐνόμισας, φίλε. ἴσως δ' οὐκ ᾔδειν ὁ Οἰδίπους ὅτι ἡ μήτηρ εἴη!

YouTube · Post by **bedwere** » Fri Feb 13, 2015 5:01 am

Ἂρκτου μικρᾶς

Ὁ μὲν περὶ ἄρκτου τῆς μικρᾶς μῦθος δοκεῖ εἶναι ὁ αὐτὸς τῷ τῆς μεγάλης. Ἀναγιγνώσκομεν δὲ ὅτι κατὰ τοὺς πολλοὺς τῇ τῆς Ἀρτέμιδος νύμφῃ ὄνομα Φοινίκη ἦν. Ἔστι μέντοι καὶ ἄλλος μῦθος λέγων ὅτι οὖτος ὁ ἀστερισμός ἐστι ὁ τῆς Κυνοσούρας, τῆς τοῦ Διὸς τροφοῦ. Ἄλλοι δέ φασιν τὸ τῆς τροφοῦ ὄνομα εἶναι Ἡλίκη. Ἐπείδη ἐκείνη ἡ γυνὴ τὸν τῶν θεῶν βασιλέα παῖδα ὄντα ἔθρεψε, ὁ Ζεὺς ἐν τοῖς οὐρανοῖς ἔθηκεν αὐτήν.

Ὁ ἄρκτου τῆς μικρᾶς ἀστερισμός μετὰ τοῦ τοῦ δράκοντος . Ὁ δὲ ἐνδοξότατος ἀστὴρ καλεῖται Πόλος, περὶ ὃν ὁ οὐρανὸς στρέφεται.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Feb 21, 2015 10:44 pm

Δράκοντος

Ἐν τούτῳ τῷ πίνακι θεᾶσθε τὴν Ἥραν ὑπὸ τοῦ Διὸς γαμοῦσαν. Κατὰ δὲ Φερεκύδην τὸν φιλόσοφον, πάντων τῶν θεῶν δῶρα αὐτῇ διδόντων, ἡ Γῆ χρυσᾶ μῆλα τἦ Ἥρᾳ προσήνεγκεν.

Ἡ οὖν θεὸς λίαν τῷ δώρῳ χαρεῖσά τε καὶ ἐν τῷ τῶν Ἑσπερίδων κήπῳ πῆξαι εἰποῦσα, ἐκέλευσε τὰς τρεῖς νύμφας φυλάττειν τὸ δένδρον. Ἐπείδη αἱ παρθένοι ἐνίοτε μῆλον ἓν ἤσθιον, ἡ Ἥρα ἔθηκε καὶ μέγαν ὄφιν ὥστε τοῦ κήπου φύλακα εἶναι.

Τέλος μὲν ὁ Ἡρακλῆς, τὰ χρυσᾶ μῆλα ἐπιθυμῶν καὶ δεινῶς μαχεσάμενος, ἀπέκτεινε τὸν δράκοντα. Νῦν δὲ ἄμφω ἐν τοῖς οὐρανοῖς κεῖσθον.

Ὁ μέγας τοῦ Δράκοντος ἀστερισμός.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

Markos · Post by **Markos** » Mon Feb 23, 2015 3:14 pm

ὁ μὲν δράκων ὑπερμεγέθης ἦν. ὁ δὲ τοῦ Δράκοντος ἀστερισμὸς λίαν ὑπερμεγέθης.

Reading your Greek summaries before hand makes the text easier to comprehend, and the audio then becomes quite comprehensible.

οὕτος μὲν ὁ ὄφις τὸν καρπὸν φυλάσσει. ὁ δὲ (Γένεσις Γ.) τοὺς ἀνθρώπους ἐσθίειν ποιεῖ.

But that snake will not wind up in the heavens.

YouTube · Post by **bedwere** » Mon Feb 23, 2015 11:56 pm

Markos wrote:ὁ μὲν δράκων ὑπερμεγέθης ἦν. ὁ δὲ τοῦ Δράκοντος ἀστερισμὸς λίαν ὑπερμεγέθης.

Reading your Greek summaries before hand makes the text easier to comprehend, and the audio then becomes quite comprehensible.

οὕτος μὲν ὁ ὄφις τὸν καρπὸν φυλάσσει. ὁ δὲ (Γένεσις Γ.) τοὺς ἀνθρώπους ἐσθίειν ποιεῖ.

But that snake will not wind up in the heavens.

Συμφωνῶ.

YouTube · Post by **bedwere** » Sat Feb 28, 2015 8:20 pm

Τοῦ ἐν γόνασιν

Ὁ ἐν γόνασίν ἐστιν Ἡρακλῆς, ὁ τὸν Δράκοντα ἀποκτείνας. Ὁ γὰρ ὄφις τῶν χρυσῶν μήλων φύλαξ ὑπὸ τῆς Ἥρας τεταγμένος ἦν. Ὁ δὲ Ζεύς, ὁ τοῦ Ἡρακλέους τε καὶ πολλῶν ἄλλων πατήρ, ἀνέθηκε τὸν ἀστερισμὸν αὐτοῦ ἵνα οἱ ἄνθρωποι μεμνημένοι τοῦ ἔργου εἴησαν. Ἡ μὲν τοῦ ὄφεως κεφαλὴ ἄνω ἦρται, ὁ δ' Ἡρακλῆς ἐπιβέβηκεν αὐτῷ. Τὸ μὲν ἕν τοῦ Ἡρακλέους γόνυ κεκαμμένον ἐστίν, ὁ δ' ἕτερος ποὺς πρὸς τὴν τοῦ Δράκοντος κεφαλὴν τέταται.

Καὶ δὴ καὶ ὁ Ἡρακλῆς ἔχει ῥόπαλον ἐν τῇ δεξιᾷ χειρί.

Ὁ μὲν Ψευδο-Ἐρατοσθένης λέγει ὅτι ὁ Ἡραλκῆς περιβέβληκε τῇ ἀριστερᾷ τὴν λεοντῆν. Ὁ δὲ πίναξ δείκνυσι τὸν Ἡρακλέα τὴν λεοντῆν ἐνδεδυμένον.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Mar 07, 2015 10:45 pm

Στεφάνου

Ὁρᾶτε μὲν ἐν τούτῳ τῷ πίνακι κάλλιστον χρυσοῦν στέφανον, ᾧ πλουσία νυμφή τις ἐστεφανώθη ἐν τοῖς γάμοις αὐτῆς.

Ὁ δὲ Διόνυσος, ὁ τοῦ οἴνου θεός, ἀνέβαλεν εἰς τοὺς οὐρανοὺς τὸν τῆς Ἀριάδνης στέφανον. Ἔγημε γὰρ αὐτὴν πρὸ πασῶν τῶν θεῶν, τὸν στέφανον ἀπὸ τῆς Ἀφροδίτης τε καὶ τῶν Ὡρῶν δεξομένην. Φασὶν δὲ τὸν στέφανον ὑπὸ τοῦ Ἡφαίστου ποιηθῆναι. Ἒστι μέντοι ἄλλος μῦθος λέγων ὅτι ὁ Διόνυσος, τῆς Ἀριάδνης ἐρῶν, ἐλθὼν πρὸς τὸν Μίνω τὸν πατέρα αὐτῆς, ἔδωκε τὸν στέφανον δῶρον ὥστε συμμιγνύναι αὐτῇ. Ἔπειτα ὁ Θησεὺς τῷ φωτίζοντι στεφάνῳ χρώμενος ἐκ τοῦ λαβυρίνθου ἐξῆλθεν. Τέλος δὲ ἐν τῇ Νάξῳ νήσῳ μετὰ τῆς Ἀριάδνης ὤν, ἔθηκε τὸν στέφανον ὡς εἶδος ἐν τῷ οὐρανῷ.

Ὁ τοῦ Στεφάνου ἀστερισμὸς καὶ ὁ τοῦ ἐν γόνασιν.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Mar 14, 2015 7:21 pm

Ὀφιούχου

Ὡς τοὔνομα σημαίνει, ὁ Ὀφιοῦχος ἔχει ὄφιν ἐν ταῖς χειρσίν, Ἀσκληπιὸς ὁ ἔνδοξος ἰατρὸς ὤν.

Ὁ μὲν Ἀσκληπιὸς οὕτως ἀγαθὸς ἦν ἰατρὸς ὥστε ἐκ τῶν νεκρῶν Ἱππόλυτον ἐγεῖραι. Τοῦτο δὲ τοὔργον οὐκ ἤρεσε τοῖς θεοῖς, τοῖς ζηλοτύποις οὖσιν.

Διόπερ ὁ Ζεὺς καταβαλὼν κεραυνὸν ἐπὶ τὸν τοῦ Ἀσκληπιοῦ οἶκον ἀπέκτεινεν αὐτόν.Ἔπειτα δ' ἀνέθηκε τὴν μορφὴν ἐν τῷ οὐρανῷ ἵνα τῷ Ἀπόλλωνι χαρίζοιτο.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Mar 21, 2015 9:30 pm

Σκορπίου

Οὗτος ὁ μέγας σκορπίος ὑπὸ τῆς Ἀρτέμιδος ἐκ λόφου τινὸς τῆς Χίου νήσου ἀπεσταλμένος ἀπέκτεινε τὸν Ὠρίωνα, τὸν θηρευτήν, τὸν ὑβρίσαντα αὐτήν.

Ὁ δὲ Ζεὺς εἰς μνήμην τοῦτου τοῦ ἔργου ἔθηκε τὸ εἶδος ἐν τῷ οὐρανῷ. Οὕτως μέγας ἐστὶν ὁ σκορπίος, ὥστε κεῖσθαι ἐπὶ τῷ ἕκτῳ μέρει τοῦ κύκλου.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

mwh · Post by **mwh** » Sun Mar 22, 2015 1:38 am

ευγε ω φιλε!

παρα σοὶ μεντοι ορω κεισθαι ταδε, Ὁ μὲν Ἀσκληπιὸς ὅιος ἀγαθὸς ἦν ἰατρὸς ὥστε ἐκ τῶν νεκρῶν Ἱππόλυτον ἐγεῖραι
αλλ’ ουκ ορθως το οιος αγαθος εγραψας· εδει γαρ γραφειν η ουτως αγαθος η τοσουτον αγαθος· ου γαρ;

αρα τον Ἱππόλυτον ητοι ισως τον Πενθεα βουλει λεγειν, ο εστι και ηδη διεσπαραγμενον τινα νεκρον;

ὁ μέγα σκόρπιος· εθελες μεν ουν μέγας.

ἐξ λόφου τινὸς ἐν τῇ Χίῳ νήσῳ ἀπεσταλμένος· βελτιον αν ην εκ λοφου τινος της χιου νησου.

φιλοπόνει.

YouTube · Post by **bedwere** » Sun Mar 22, 2015 4:29 am

mwh wrote:ευγε ω φιλε!

παρα σοὶ μεντοι ορω κεισθαι ταδε, Ὁ μὲν Ἀσκληπιὸς ὅιος ἀγαθὸς ἦν ἰατρὸς ὥστε ἐκ τῶν νεκρῶν Ἱππόλυτον ἐγεῖραι
αλλ’ ουκ ορθως το οιος αγαθος εγραψας· εδει γαρ γραφειν η ουτως αγαθος η τοσουτον αγαθος· ου γαρ;

αρα τον Ἱππόλυτον ητοι ισως τον Πενθεα βουλει λεγειν, ο εστι και ηδη διεσπαραγμενον τινα νεκρον;

ὁ μέγα σκόρπιος· εθελες μεν ουν μέγας.

ἐξ λόφου τινὸς ἐν τῇ Χίῳ νήσῳ ἀπεσταλμένος· βελτιον αν ην εκ λοφου τινος της χιου νησου.

φιλοπόνει.

Χαῖρε, ὦ βέλτιστε διδάσκαλε. Χάριν μὲν μεγάλην ἔχω σοι ὑπὲρ τῶν διορθώσεών σου, τὸ δ' ἐρώτημα φανερὸν ἔμοιγε οὐκ ἔστιν. Ἴσως λέγεις ὅτι ἔδει τὸν Ἀσκληπίον ἐγεῖραι καὶ τὸν διεσπαραγμένον Πενθέα;

Ἔρρωσο.

Markos · Post by **Markos** » Sun Mar 22, 2015 3:11 pm

mwh wrote:ὁ μέγα σκόρπιος· εθελες μεν ουν μέγας.

ἀκριβῶς ἔγραψας σύγε. "σκορπίος" γὰρ ἀρσενικόν, "μέγα" δ' οὐδέτερον.

bedwere wrote: Οὗτος ὁ μέγας σκοπρίος...

ὦ τᾶν! πάλιν ἥμαρτες! δεῖ λέγειν ἢ "ὁ μέγας σκορπίος" ἢ "τὸ μέγα κόπριον."

YouTube · Post by **bedwere** » Sun Mar 22, 2015 4:37 pm

Markos wrote:
mwh wrote:ὁ μέγα σκόρπιος· εθελες μεν ουν μέγας.
ἀκριβῶς ἔγραψας σύγε. "σκορπίος" γὰρ ἀρσενικόν, "μέγα" δ' οὐδέτερον.
bedwere wrote: Οὗτος ὁ μέγας σκοπρίος...
ὦ τᾶν! πάλιν ἥμαρτες! δεῖ λέγειν ἢ "ὁ μέγας σκορπίος" ἢ "τὸ μέγα κόπριον."

Ναί, ἁμαρτωλὸς γάρ εἰμι.

mwh · Post by **mwh** » Sun Mar 22, 2015 5:48 pm

bedwere wrote:Χάριν μὲν μεγάλην ἔχω σοι ὑπὲρ τῶν διορθώσεών σου, τὸ δ' ἐρώτημα φανερὸν ἔμοιγε οὐκ ἔστιν. Ἴσως λέγεις ὅτι ἔδει τὸν Ἀσκληπίον ἐγεῖραι καὶ τὸν διεσπαραγμένον Πενθέα;

χαιρειν.
ἵν’ αποκρίνωμαι το υπο σοῦ ερωτηθὲν περι ὧν έγραψ’ εγώ·
ουκ ευ συνεὶς δια τί τον Ιππόλυτον εξαιρέτως προήνεγκας, εκεῖνον δη προελόμενος εκ των αλλων τεθνηκότων (ἡ βύβλος γαρ ουχ ἕνα τιν’ εκ τουτων των μυριων εκλέγει, ουδ’ οιδα εκεινον γε κατα τους μυθογραφους εκ των νεκρῶν εξαναστάντα), τον Πενθέα εισήγαγον ως και άλλον τινα δυσδαίμονα ου μονον βιαίως αποθανόντα αλλα και τα μέλη διασπαραχθέντα ομοίως και τω ετερω (ει και προς γυναικων αλλ’ου προς ταυρου τινος). αλλὰ ταῦτ’ ω φίλτατε ου διαφέρει ουδέν.
ερρωσο

jeidsath · Post by **jeidsath** » Sun Mar 22, 2015 7:56 pm

ὅρα τὸν βιβλίον περὶ εὐσεβείας τοῦ Φιλόδημου, ἐν σελίδι δευτέρᾳ καὶ πεντηκοστῇ.

Ἀσκληπιὸν δὲ Ζεὺς ἐκεραύνωσεν, ὡς μὲν ὁ τὰ Ναυπακτικὰ συνγράψας κὰν Ἀσκληπιῷ Τελέστης καὶ Κεινησίας ὁ μελοποιός, ὅτι τὸν Ἱππόλυτον παρακληθεὶς ὑπ’ Ἀρτέμιδος ἀνέστησεν, ὡς δ’ ἐν Ἐριφύλῃ Στησίχορος, ὅτι Καπανέα καὶ Λυκοῦργον.

κινδυνεύει τὰ τοῦ Ἀρτέμιδος καὶ Ἱππολύτου θεῖα (ἤ τοὺς σεβομένους) πεποιηκέναι τὸν μῦθον.

jeidsath · Post by **jeidsath** » Sun Mar 22, 2015 8:36 pm

ἐνταῦθα ἐστι Ψευδο-Ἀπολλόδωρος.

εὗρον δέ τινας λεγομένους ἀναστῆναι ὑπ’ αὐτοῦ, Καπανέα καὶ Λυκοῦργον, ὡς Στησίχορός φησιν ἐν Ἐριφύλῃ, Ἱππόλυτον, ὡς ὁ τὰ Ναυπακτικὰ συγγράψας λέγει, Τυνδάρεων, ὥς φησι Πανύασις, Ὑμέναιον, ὡς οἱ Ὀρφικοὶ λέγουσι, Γλαῦκον τὸν Μίνωος, ὡς Μελησαγόρας λέγει.

YouTube · Post by **bedwere** » Sun Mar 22, 2015 11:47 pm

Ναί, ὦ φίλτατε. Δοκεῖ γάρ μοι τὸν Ψευδο-Ἐρατοσθένην οὐ πάντας τοὺς μύθους διηγεῖσθαι. Εἰ οὖν ἄλλους εὕροις, γράψον ἐνταῦθα, παρακαλῶ.

mwh · Post by **mwh** » Mon Mar 23, 2015 7:54 pm

δει με ζητειν προτερον η γραφειν. δηλονοτι η Αρτεμις επεισε τον Ασκληπιον εξαναστησαι τον Ιππολυτον δια την εις αυτην ευσεβειαν αυτου. οι δε τραγωδοποιοι ου φαινονται ακολουθειν· καιτοι ουκ ηγνοουν, ως εμοιγε δοκει. παρ’ Ευριπιδῃ γουν εν τω επιλογω του Ιππολυτου στεφανηφορου η θεα προαγορευει ως παρα τοις Τροιζηνιοις τιμηθησεται (1423-5), και Παυσανιας μνημονευει επιφανεστατον τι τεμενος υπο των Τροιζηνιων τω Ιππολυτω ανειμενον, εν ωπερ φησιν αγαλμα τι ιδρυσθαι του Ασκληπιου, “Τροιζήνιοι δὲ οὐκ Ἀσκληπιὸν ἀλλὰ εἰκόνα Ἱππολύτου φασὶν εἶναι” (2.32.4). και αυτο το του Ιππολυτου τεμενος ως δοκει ην εντος του Ασκληπιειου. τουτοις φαινεται υποκειμενος ο λογος της αναστασεως.

και ινα τω bedwere χαριν φερωμεν, ιδου καταστερισμος τις· “ἀποθανεῖν δὲ αὐτὸν οὐκ ἐθέλουσι [οι Τροιζηνιοι] συρέντα ὑπὸ τῶν ἵππων οὐδὲ τὸν τάφον ἀποφαίνουσιν εἰδότες: τὸν δὲ ἐν οὐρανῷ καλούμενον ἡνίοχον, τοῦτον εἶναι νομίζουσιν ἐκεῖνον Ἱππόλυτον τιμὴν παρὰ θεῶν ταύτην ἔχοντα.” (2.32.1). ωστε κατα γε Τροιζηνιους ο Ηνιοχος ουκ αλλος ην η ο Ιππολυτος.

YouTube · Post by **bedwere** » Sat Mar 28, 2015 6:55 pm

<Π>ερὶ τοῦ Βοώτου τοῦ καὶ Ἀρκτοφύλακος

Οὗτός ἐστιν ὁ ἀστερισμὸς τοῦ Ἀρκάδος, ὅς ἦν τῆς Καλλιστοῦ καὶ τοῦ Διὸς υἱός. Ὁ δ' Ἀρκὰς ᾤκει περὶ τὸ Λύκαιον ὄρος, ὅπου ἦν τὸ Λύκαιον ἱερόν.

Ὁ δὲ Λυκάων, ὁ πάππος τοῦ Ἀρκάδος, ἀποκτείνας τε τὸν παῖδα καὶ ὀπτήσας αὐτόν, προήνεγκε τὸ κρέας τῷ Διί, ξένῳ τοῦ Λυκάονος ὄντι. Ἐπειδὴ ὁ Ζεὺς τοῦτο συνῆκε, μάλα ὀργισθεὶς μετέβαλε μὲν τὸν Λυκάονα εἰς λύκον, κατέκαυσε δὲ κεραυνοῖς τὴν οἰκίαν αὐτοῦ. Μετὰ τοῦτο, ὁ τῶν θεῶν βασιλεὺς ἀνέπλασε τὸν ταλαίπωρον παῖδα.

Ὁ δὲ Ἀρκάς, νεανίας γεγονώς, ἔγημεν ἄκων τὴν μητέρα. Ἔπειτα οἱ τὴν χώραν οἰκοῦντες ἤθελον κατὰ τοὺς νομούς θύειν αὐτούς ὡς ἱερὰ τοῖς θεοῖς, ὁ Ζεὺς εἰς τοὺς οὐρανοὺς ἀνέθηκεν αὐτούς.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Apr 04, 2015 9:01 pm

Παρθένου

Ἡ Δίκη θυγάτηρ τοῦ Διὸς καὶ τῆς Θέμιδος οὖσα πρῶτον ᾤκει μετὰ τῶν ἄνθρώπων. Ἔπειτα μὲν πόλεμοι καὶ ἀδικία ἐγένοντο, ἡ δὲ Δίκη ἀνεχώρησεν ἐπὶ τὰ ὄρη. Τελὸς δ' οὔ μᾶλλον τὴν ἀνθρωπίνην ὕβριν φέρουσα ἀνῆλθε εἰς τοὺς οὐρανούς. Ἐν δὲ ταύτῃ τῇ Ἀττικῇ κύλικι θεωροῦμεν τὸν Αἴαντα ὑβρίζοντα τὴν Κασσάνδραν.

Ἡ δὲ παρθένος ἔχει στάχυν ἐν τῇ χειρί. Διόπερ ἄλλοι μὲν νομίζουσιν αὐτὴν εἶναι τὴν Δήμητρα, τὴν τῶν ἀγρῶν θεάν. Ἂλλοι δ' ἄλλην θεάν.

Τί ἐστι στάχυς; Ἴδετε δὴ τρεῖς στάχυας· ἕνα τῆς κριθῆς καὶ ἕνα τοῦ πυροῦ καὶ ἕνα τῆς σικάλεως. Καὶ στάχυς ἐστὶν ὄνομα τῷ λαμπροτάτῳ ἀστέρι ἐν τῷ τῆς Παρθένου ἀστερισμῷ.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Apr 11, 2015 12:55 am

Διδύμων

Οἱ Διόσκουροι ἢ Διόσκοροι, ὡς τοὔνομα αὐτὸ σημάνει, ἦσαν δύο υἱοὶ τοῦ Διός, ἐν τῇ Λακωνικῇ χώρᾳ γεννηθέντες. Τοιαύτη ἦν ἡ φιλία μεταξὺ τῶν ἀδελφῶν, ὥσπερ ἔφθανε τὴν φιλίαν ἁπάντων τῶν ἄλλων ἀνθρώπων. Διὰ τοῦτο ὁ Ζεὺς ἦρεν αὐτοὺς εἰς τοὺς οὐρανούς.

Ἐν δὲ ταύτῃ τῇ εἰκόνι θεώμεθα Ἀττικὸν κρατῆρα ἢ κύλικα. Ὁ μὲν Κάστωρ εἷς τῶν Διοσκόρων ὢν ὁρᾶται πίλον ἐπὶ τῆς κεφαλῆς ἐνδεδυμένος. Τῷ δ' ἑτέρῳ ἀδελφῷ ὄνομά ἐστι Πολυδεύκης. Ὁ μέντοι Ψευδο-Ἐρατοσθένης οὐ λεγει τὰ ὄνοματα αὐτῶν.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat Apr 18, 2015 12:05 am

Καρκίνου

Ἡ Ἥρα, ἡ ἀεὶ μισοῦσα τὸν Ἡρακλέα, τέθηκε τὸν καρκίνον ἐν τοῖς ἀστράσιν ὅτι οὗτος μὲν ἔδακε τὸν τοῦ τὴν ὕδραν μαχομένου Ἡρακλέους πόδα, ὁ δὲ υἱὸς τοῦ Διὸς ἄπέκτεινε τὴν ὕδραν τε καὶ τὸν καρκίνον.

Ἐπὶ τούτῳ τῷ ληκύθῳ ὁρῶμεν τόν τε Ἡρακλέα τὴν ὕδραν μαχόμενον καὶ τὸν καρκίνον ἐπιτιθέμενον αὐτῷ καὶ τὴν Ἀθηνᾶν τῷ Ἡρακλεῖ ὠφελοῦσαν.

Ἐν δὲ τῷ τοῦ Καρκίνου ἀστερισμῷ εἰσι καὶ οἱ ὄνοι, οἱ ὀχοῦντες Διόνυσον καὶ τὸν μεθυσθέντα Ἥφαιστον καὶ τοὺς Σατύρους. Ἐπείδη οἱ Γίγαντες, οἱ τῶν θεῶν ἔχθροι, ἔτυχον πάροντες, τὰ μὲν ζῷα ἐφθέγξατο, οἱ δὲ Γίγαντες φοβούμενοι ἔφυγον.

Τέλος δ' ἔστι νεφέλιόν τι καλούμενον Φάτνη, ὅπου οἱ ὄνοι τρέφονται.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

Markos · Post by **Markos** » Sat Apr 18, 2015 7:09 pm

χαῖρε, ἄριστε.

Ψευδο-Ἐρατοσθένης wrote:[ὁ καρκίνος] ἔδακεν αὐτοῦ τὸν πόδα...

Gen 3:15b wrote:αὐτός σου τηρήσει κεφαλήν, καὶ σὺ τηρήσεις αὐτοῦ πτέρναν.

ἀλλὰ ἐν τῷ τῶν αἰώνων τέλει, λύσει Χριστὸς πάσας νόσους, καὶ τὸν καρκίνον, καὶ τὸν θάνατον!

A. Ag. 4 wrote:ἄστρων κάτοιδα νυκτέρων ὁμήγυριν...

σύγε, φίλε Ροβέρτο, κάτοιδας τὴν τῶν νυκτέρων ἄστρων ὁμήγυριν. διὰ δέ σε, ἡμεῖς νῦν πάντες κατοίδαμεν τὴν τῶν νυκτέρων ἄστρων ὁμήγυριν. χάριν οὖν σοι δίδομεν δή.

ἔρρωσο, φίλτατε.

YouTube · Post by **bedwere** » Sat Apr 18, 2015 8:43 pm

Χαῖρε, ὦ λῷστε Μᾶρκε. Χάριν δ' ἔχω σοι καλὸν παράδειγμα ἐκ τῆς ἁγίας γραφῆς προσσχόντι. Οἱ μὲν λόγοι σου τιμῶσίν με μᾶλλον ἢ ἄξιός εἰμι, φιλῶ δέ.

Ἔρρωσο

YouTube · Post by **bedwere** » Fri Apr 24, 2015 11:52 pm

Λέοντος

Τοῦτ' ἔστι τὸ τῆς Νεμέας στάδιον. Ἐν δὲ τῇ Νεμέᾳ λέων τις μέγας τε καὶ δεινὸς ἦν.

Πόλλοι μὲν οἷοί τ'ἦσαν τοὺς ἂλλους λέοντας ἀποκτείνειν, μόνον δ' ὁ Ἡρακλῆς οὕτως ἰσχυρὸς ἦν ὥστε συμπαλαίσας ταῖς χερσὶν ἔπνιξε τὸν Νεμεαῖον λέοντα .Ἔπειτα ὁ Ἡρακλῆς ἔλαβε τὴν λεοντῆν αὐτοῦ.

Ὁ δὲ Ζεὺς πολὺ ἐτίμησε τὸν λέοντα. Ὁ γὰρ τοῦ λέοντος ἀστερισμὸς ὁ πρῶτός ἐστι τῶν τέτταρας πόδας ἐχόντων.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

Markos · Post by **Markos** » Sun Apr 26, 2015 1:25 pm

δοκεῖ δ' ὑπὸ Διὸς τιμηθῆναι τοῦτο τὸ ζῴδιον διὰ τὸ τῶν τετραπόδων ἡγεῖσθαι.

πῶς γὰρ οὔ? τὸν γὰρ λέοντα "τὸν τῆς ὕλης βασιλέα" καλοῦμεν.

YouTube · Post by **bedwere** » Mon Apr 27, 2015 9:52 pm

Markos wrote:
δοκεῖ δ' ὑπὸ Διὸς τιμηθῆναι τοῦτο τὸ ζῴδιον διὰ τὸ τῶν τετραπόδων ἡγεῖσθαι.
πῶς γὰρ οὖν? τὸν γὰρ λέοντα "τὸν τῆς ὕλης βασιλέα" καλοῦμεν.

Προσδοκῶ οὖν παρά σου, ὦ φίλε Μᾶρκε, τὴνδε τὴν ᾤδην ἐν τῇ Ἑλληνικῇ.

https://www.youtube.com/watch?v=_LBmUwi6mEo

YouTube · Post by **bedwere** » Sat May 02, 2015 4:25 am

Ἡνιόχου

Αὕτη μὲν ἡ εἰκὼν δείκνυσι τὸν τοῦ Ἡνιόχου ἀστερισμόν, τὸν ἔχοντα τήν τε Αἶγα καὶ τοὺς Ἐρίφους.

Ὅδε δ' ὁ μῦθος οὐ προσήκει τοῖς παιδίοις. Φασὶν γὰρ ὅτι ὁ Ἥφαιστος ἐπεθύμει μὲν τῇ Ἀθηνᾷ συμμίγνυμαι, ἡ δὲ παρθένος ἔφευγεν αὐτόν . Τέλος δ'εὑρὼν τὴν Ἀθηνᾶν καὶ ὑπὸ αὐτῆς πληγείς, ὁ Ἥφαιστος ἀφῆκε τὸ σπέρμα ἐπὶ τὴν γῆν. Ἐκ δὲ τούτου ἐγεννήθη ὁ Ἐριχθόνιος. Ἔπειτα, ἄνηρ γεγονὼς, πρῶτος ἤλασεν ἅρμα διὰ ἵππων λευκῶν, ὅμοιον τῷ τοῦ Ἡλίου ὄν . Καὶ δὴ καὶ ἕστησε τὰ Παναθήναια ἱερά. Διὸ ὁ Ζεὺς ἔθηκεν αὐτὸν ὡς ἡνίοχον ἐν τῷ οὐρανῷ.

Ἐν δὲ τῷ αὐτῷ ἀστερισμῷ ὁρῶμεν τὴν Αἶγά τε καὶ τοὺ Ἐρίφους. Φασὶν δὲ ὅτι ἡ τοῦ Διὸς μήτηρ ἡ Ῥέα ἔδωκε τὸ τεκνίον τῇ Θέμιδι. Ἡ δὲ Θεμὶς ἔδωκεν αὐτὸ τῇ Ἀμαλθείᾳ, ἥ εἶχε Αἶγά τινα τοῦ Ἡλίου θυγατέρα οὖσαν. Ἐτρέφθη οὖν ὁ Ζεὺς ὑπὸ τῆς Αἰγὸς τῷ γάλακτι αὐτῆς.

Ἐπειδὴ ὁ Ζεὺς τηλίκος ἐγένετο ὥστε μάχεσθαι τοῖς τιτᾶσι, ἀποκτείνας τὴν Αἶγα ἔλαβεν ὡς ὅπλα τὴν δορὰν ἐξ αὐτῆς. Ἐποίησε γὰρ τὴν αἰγίδα τὴν τὸ τῆς Γοργόνος πρόσωπον ἔχουσαν, ἣν ὕστερον τῇ Ἀθηνᾷ τῇ φιλουμένῃ θυγατρὶ ἔδωκεν. Ὁ δὲ Ζεὺς κρύψας νέᾳ δορᾷ πάλιν ἔπλασε τὴν Αἶγα, ἵνα θείη αὐτὴν ἐν τῷ οὐρανῷ.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Wed May 06, 2015 3:29 am

Ταύρου

Οἱ μὲν λέγουσιν τοῦτον εἶναι τὸν ταῦρον, ὅς τὴν καλὴν Εὐρώπην παρὰ τὸν Δία ἐβάστασε.

Οἱ δέ φασιν εἶναι τὴν τῆς Ἰοῦς μίμησιν. Ἡ γὰρ Ιὼ ὑπὸ τοῦ Διὸς εἰς βοῦν διηλλάχθη.

Μεταξὺ μὲν τῶν τοῦ ταύρου ὀφθαλμῶν πάρεισιν αἱ Ὑάδες. Ἐπὶ δὲ τῆς ῥάχεως θεώμεθα τὰς Πλειάδας, τὰς ἑπτὰ ἀδελφάς.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat May 09, 2015 12:53 am

Κηφέως

Ὁ τοῦ Κεφέως ἀστερισμὸς κεῖται περὶ τὸν ἀρκτικὸν κύκλον. Ἡ γὰρ Ἀθηνᾶ ᾔτησε τὸν τῶν θεῶν πατέρα θεῖναι τὸν Κεφέα ἐν τῷ οὐρανῷ.

Ὁ μὲν Κεφεὺς ἦν βασιλεὺς τῶν Αἰθιόπων. Ἔδωκε δ' Ανδρομέδαν τὴν θυγατέρα τῷ κήτει ὡς βρῶσιν. Ὁ μέντοι Περσεὺς, ὑιὸς τοῦ Διὸς ὤν, ἔσωσεν αὐτήν.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

YouTube · Post by **bedwere** » Sat May 16, 2015 4:21 am

Κασσιεπείας

Ἐν τούτῳ τῷ πίνακι θεώμεθα τὴν Κασσιέπειαν ὑπὸ τῆς Κρίσεως στεφανουμένην. Ἡ γὰρ Κασσιέπεια, τῶν Αἰθιόπων βασίλισσα τε καὶ τοῦ Κεφέως γυνὴ καὶ τῆς Ἀνδρομέδης μήτηρ οὖσα, ἔφη αὐτήν τε καὶ τὴν Ἀνδρόμεδαν εἶναι καλλίω τῶν Νηρηΐδων, τῶν τοῦ Ποσειδῶνος θυγατρῶν. Τοῦτο μὲν ἀληθὲς ἦν. Ὁ δὲ Ποσειδὼν ὀργισθεὶς ἐπέμψε τὸ κῆτος διαφθεῖραι τὴν τῶν Αἰθιόπων χώραν.

Ἡ δὲ Κασσιέπεια γράφεται ἐπὶ δίφρου καθημένη.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

Markos · Post by **Markos** » Sat May 16, 2015 9:10 pm

Ἡ βίβλος wrote:Ταύτην ἱστορεῖ Σοφοκλῆς ὁ τῆς τραγῳδίας ποιητῆς.

καλῶς δ' ἱστορεῖ οὖτος!

bedwere wrote:Ὁ δὲ Ποσειδὼν ὀργισθεὶς ἐπέμψε τὸ κῆτος διαφθεῖραι τὴν τῶν Αἰθιόπων χώραν.

ἄλλος δέ τις θεὸς ἄλλον κῆτος ἐπέμψεν εἰς ἄλλην χώραν.

Ιω. 2:1: Καὶ προσέταξεν κύριος κήτει μεγάλῳ καταπιεῖν τὸν Ιωναν...

Ιω. 3:3 ...καὶ ἀνέστη Ιωνας καὶ ἐπορεύθη εἰς Νινευη...

Ιω 3:10: ...καὶ εἶδεν ὁ θεὸς τὰ ἔργα αὐτῶν, ὅτι ἀπέστρεψαν ἀπὸ τῶν ὁδῶν αὐτῶν τῶν πονηρῶν, καὶ μετενόησεν ὁ θεὸς ἐπὶ τῇ κακίᾳ, ᾗ ἐλάλησεν τοῦ ποιῆσαι αὐτοῖς, καὶ οὐκ ἐποίησεν.

ὁ μὲν ἐν ὀργῇ, ὁ δ' ἐν χάριτι.

YouTube · Post by **bedwere** » Mon May 18, 2015 11:11 pm

Καλὸν ὑπόμνημα γέγραφας, ὦ Μᾶρκε. Εὐχαριστῶ οὖν σοι.

YouTube · Post by **bedwere** » Fri May 22, 2015 11:29 pm

Ἀνδρομέδας

Ἡ Ἀνδρομέδα, ἐν τοῖς ἄστροις ὑπὸ τῆς Ἀθηνᾶς ἀναθεῖσα, δοκεῖ ἐν δεσμοῖς εἶναι.

Ὁ γὰρ πατὴρ προσήνεγκεν αὐτὴν τῷ κήτει ἵνα ἵλεων ποιήσαι τὸν Ποσειδῶνα. Ὁ δὲ Περσεὺς ἔσωσεν αὐτὴν ἀπο τοῦ θηρίου. Διὰ τοῦτο ἡ Ἀνδρομέδα ἐγήματο αὐτῷ.

Ἀνάγνωσις τῶν ὑπὸ τοῦ Ψευδο-Ἐρατοσθένου γεγραμμένων

Ἡ βίβλος

Markos · Post by **Markos** » Wed May 27, 2015 10:48 am

bedwere wrote:Ὁ δὲ Περσεὺς ἔσωσεν αὐτὴν ἀπὸ τοῦ θηρίου.

καλῶς ἔγραψας τὸ «ἀπό» ἀντὶ τοῦ «ἐκ.» ἡ γὰρ Ἀνδρομέδα ἐν τῷ κήτει οὐκ ἦν. ὁ δὲ Ιωνας ἐν τῇ κολίᾳ τοῦ μεγάλλου ἰχθύος ἦν. ὁ οὖν Θεὸς τοῦτον ἐκ τοῦ θηρίου ἔσωσε.

YouTube · Post by **bedwere** » Wed May 27, 2015 6:35 pm

Τὴν γραμματικὴν γιγνώσκεις, ὦ βέλτιστε Μᾶρκε.