What's the weather today? (Latine)

YouTube · Post by **bedwere** » Thu Apr 14, 2016 7:08 pm

Salvete, amici. Mane audivi terraemotum in partibus Japoniae meridionalibus factum esse, o Viviparide dilecte. Puto vero te longe istinc abesse, doleo autem pro eis qui prope erant. Ursine mi, tenues nebulas video ego, tamen caelum fere serenum est. Melius autem uti verbo "fieri" quam "se facere".

Ursinus · Post by **Ursinus** » Thu Apr 14, 2016 10:03 pm

Gratias iterum tibi, Beduere. Mutavi scripturam meam. Puto me melior factus esse... spero.

Viviparidus · Post by **Viviparidus** » Fri Apr 15, 2016 2:26 am

Salvete, amici!

Bedeure dulcissime amice mi, sane terraemotus hesternus magnus fuit! Quamquam aliquantum, sicut Didacopolis ab Urbe Lacus Salis, absum Kumamoto ubi octo aedes heri stratae sunt, ut ais, attamen impulsus me quidem terrebat. Etsi Japoniae Neptunus saepe savit et populus ei suetus, verum quaeque quassatio nocet. Vernis precor.

De tempestate. Imber denique ante lucem desiit et jam nobis dies pulcherrimus est.

Ulsine dilecte, gaudeo te vere frui! Superlativum "pulchri" autem "pulcherrimum" est, ut alii adjectivi quae utracumque declinatione cum "er" finiunt:

miser(decl I, II) > miserior > miserrimus
celer(decl III) > celerior > celerrimus

Ursinus · Post by **Ursinus** » Fri Apr 15, 2016 2:51 am

Viviparide dilecte, gratias maximas tibi ago! Mihi pergratum est corrigi.

Ursinus · Post by **Ursinus** » Fri Apr 15, 2016 2:26 pm

Caelum iterum serenum hodie. Tres dies calidus erat (recte?). Spero diem bonum futurum esse.

YouTube · Post by **bedwere** » Sat Apr 16, 2016 12:08 am

Avete, amici. Eheu! Iterum terra tua tremuit, suavissime Viviparide. Utinam ne ultra fiat! Consolor autem me quia nunc Ursinus noster nos saepe scribendo delectat. Hic autem mane caelum nebulosum erat. Postea nubes evanescebant. Tandem serenum factum est. Ventosus autem est aer.

Viviparidus · Post by **Viviparidus** » Sat Apr 16, 2016 2:58 am

Salvete! Terraemotus multum major quam primum putavi, carissime bedeure mi. Castrum antiquum quod longe tutum steterat quidem cecidit multique aut vunerati sunt aut perierunt. Quod pejus, parvi motus illic remanent. Utinam Neptunus cito se sedet!

Hodie nubiosum sed nubibus levibus satis luminosum. Sane ut ais, quam gardium Ursinum clarum nobiscum hic habere!

emendatum: pejor > pejus

Ursinus · Post by **Ursinus** » Sat Apr 16, 2016 3:48 am

Scribo multum ut multum discam.

Ursinus · Post by **Ursinus** » Sat Apr 16, 2016 3:45 pm

Mane caelum serenum est. Calida tempestas est. Ventosus aer non est.

YouTube · Post by **bedwere** » Sat Apr 16, 2016 9:30 pm

Quid dicam? Deus inclinet aurem suam ad precem tuam, Viviparide humanissime. Tempestas autem in California meridionali fere idem ac in Iova videtur, amice Ursine.

Ursinus · Post by **Ursinus** » Sat Apr 16, 2016 10:22 pm

Dilecte Bedvere, deus bonissimus est. Dominum ob benignitatem magnam eius laudo. Bonam tempestatem amo.

Ursinus · Post by **Ursinus** » Sat Apr 16, 2016 10:28 pm

Nunc, partim nebulosum in Iova.

Viviparidus · Post by **Viviparidus** » Sun Apr 17, 2016 10:54 am

Bedeure carissime amice mi, gratias. Humana cura tua utinam cum prece mea caelum contingat! Post terraemotus procella terribilis illic accidit et jam novem milia hominum domo sua fugitaverunt ad suffugium.

Hic quoque procella cum vento horrendo saeviit. Sollicitus eram cum tectum fenestraeque vento gemerent sed tandem nimbus ad mare profectus esse videtur. O tempestas! O mora!

YouTube · Post by **bedwere** » Sun Apr 17, 2016 11:39 pm

Salvete, amici!

Eheu! Quam terribilia audimus! Nondum enim calamitas in Japonia praeterit et jam in Aequatoria fit magna quassatio. Homines infelices! Oro ne procella te offendat, carissime mi.

Hodie autem tempus optimum hic habetur, melius quam in terra tua, dilecte Ursine. Nequeo enim ullam nubem in caelo videre.

Viviparidus · Post by **Viviparidus** » Mon Apr 18, 2016 10:13 am

Salvete!

Heri numerum profugorum novem milia scripsi sed eo eravisse inveni. Non novem sed nonaginta milia heri et hodie centum decum milia hominum in refugio. Tamen terraemotus Aequatoriae, ut dicis, dilecte bedeure, major quidem! Deus hominibus miserere!

Hodie caelum atrum multis nubibus sed sine vento. Procella quae heri me terrebat ad septentrionem progressus est ibique jam furit. Nonne nos homines naturae ita inopes sumus?

YouTube · Post by **bedwere** » Mon Apr 18, 2016 7:43 pm

Avete!

Quod scripsisti, benigne Viviparide, me memoravit de illo cantu cui nomen Media Vita.

Caelum autem hodiernum idem ac hesternum nec mutabitur. Sic enim manebit sub calore nimio usque ad feriam sextam, sive diem Veneris.

Viviparidus · Post by **Viviparidus** » Tue Apr 19, 2016 7:26 am

Magnas gratias, bedeure benevolissime mi! Carmen vero mihi consolatio est, nam qua audita parvum ipsum humilem sub caelo rursus inveni. Interdum metus calamitatis aegrotationisque, miseriae et postremum mortis me vincit, cum vita ipsa talis mira est. Quid igitur faciamus? Nescio nisi bene vivere aut sic conari.

Hodie caelo sereno dies pulcher hic est, quasi omnia mala suppressio nocturna fuisset.

YouTube · Post by **bedwere** » Tue Apr 19, 2016 4:55 pm

Magna inquiris, carissime amice. Sectemur vero quod semper sapientes sectantur: bonum, verum, pulchrum, in virtutibus, in scientia, in arte. Quae tu praesertim, ut artifex peritus, potes cum aliis communicare ut mentes eorum a rebus transeuntibus in sempiterna eleventur, confortans qui lugent per lepidas ac jucundas imagines, ostendens omnibus interna veritatis.
Hodierna autem tempestas fere idem ac hesterna.

Ursinus · Post by **Ursinus** » Wed Apr 20, 2016 12:15 am

Salvete, mi amici carissimi. Hodie caelum valde nebulosum est. Fortasse mox pluet.

Viviparidus · Post by **Viviparidus** » Wed Apr 20, 2016 10:15 am

Salvete!

Verba hortationis tua, bedeure splendide, mihi gratissima sunt. Arti pingendi fortiter studere teneam, etsi iter mihi deruptum sit. Via autem non semper sic petrosum, quia hic per imagines tecum jucunde multum discebam et spero ut illae cum verbis tuis Marcique semel aliquibus linguam antiquam discentibus auxilium ferant.

Et hodie alius dies pulcher mihi erat.

Ursinus · Post by **Ursinus** » Wed Apr 20, 2016 4:47 pm

Mane caelum nebulossimum et pluit. Pluvit in me et madui!

YouTube · Post by **bedwere** » Wed Apr 20, 2016 9:16 pm

Avete, amici mei!

Dies meus pulcher sicut Viviparidi humanissimi. Spero, carissime Ursine, fore ut fruaris meliore tempestate.

Viviparidus · Post by **Viviparidus** » Thu Apr 21, 2016 6:20 am

Salve, o bedeure, Ursine!

Hodie a mane nubilosum iamque pluere incepit.

YouTube · Post by **bedwere** » Thu Apr 21, 2016 7:15 pm

Salvi sitis, dilectissimi. Hic humidior est aer quam in diebus praeteritis, nonnullis tenuis in caelo nubibus. Tamen sol splendet. Gaudeo saltem ego quia aer siccior mihi displicet.

Viviparidus · Post by **Viviparidus** » Fri Apr 22, 2016 10:12 am

Salvete, amici!
Hodie ante lucem pluebat sed paulo post desiit posteaque sudum erat.

YouTube · Post by **bedwere** » Fri Apr 22, 2016 5:25 pm

Salvete, carissimi!

Hic autem mane nebulosum erat caelum. Nunc vero paulatim nubes dissolvuntur. Gratias ago, excelse Viviparide, ob aliam jucundam imaginem!

Viviparidus · Post by **Viviparidus** » Sat Apr 23, 2016 5:29 am

Salvete!

Hodie sole splendente mihi dies pulcherrimus est. Ego quidem tibi gratias ago, carissime bedeure, verba tua mihi magnam risionem dederunt, ut semper!

YouTube · Post by **bedwere** » Sun Apr 24, 2016 12:38 am

Nunc vero sol splendet, carissime Viviparide. Mane autem partim nebulosum erat caelum.

Viviparidus · Post by **Viviparidus** » Sun Apr 24, 2016 10:36 am

Hodie ante lucem fenestra imbre sonore pulsata e somno experrectus sum. Iam, igitur, dilecte amice bedeure, somni male indigeo. Pluere denique desiit post meridiem. Quoniam nubes caelo manebant, tamen, piger domo diem agebam.

YouTube · Post by **bedwere** » Sun Apr 24, 2016 8:17 pm

Doleo, carissime amice, quia Morpheus moleste adversus te gesserit. Opto ergo tibi noctem quietam et finem perfectum ut plene instaureris. Hic autem eadem tempestas ac heri.

Viviparidus · Post by **Viviparidus** » Mon Apr 25, 2016 11:34 am

Gratias, bedeure dulcissime, nam benigna cura optatioque tua nubes imbricae ad mare expulsaverunt et hesterna nocte bene dormii quasi infans fuissem. Hodie, igitur, valeo sine somnolentia. Caelum quoque, sine nubibus toto die serenum fuit.

YouTube · Post by **bedwere** » Mon Apr 25, 2016 10:47 pm

Optime, eximie amice! Hic autem nubes matutinae adhuc manent. Igitur cras fortasse solem videbo.

Viviparidus · Post by **Viviparidus** » Tue Apr 26, 2016 10:54 am

Gratias, dilecte amice mi! Et hodie bene dormivi mihique alius pulcherrimus dies fuit. Utinam is sol celerrime ad te trans oceanum currat ut caelum tibi serenet!

YouTube · Post by **bedwere** » Tue Apr 26, 2016 7:12 pm

Iterum gaudeo, suavissime amice. Dies autem hodiernus serenus est, perpaucis in caelo nubibus fluctuantibus.

Viviparidus · Post by **Viviparidus** » Wed Apr 27, 2016 8:49 am

Hodie hic nubes crassae caelum operuerunt. Quod autem mihi gratum fuit, dilecte amice mi, quia neque nimis frigidum neque nimis calidum cum horto laborabam: herbae runcandae. Post tantam operam cena saporior esse debet.

YouTube · Post by **bedwere** » Wed Apr 27, 2016 10:35 pm

Nunc ventus flat per caelum fere serenum. Nocte autem fortasse nimbus erit. Estne Raphanus sativus in horto tuo, mi carissime?

Viviparidus · Post by **Viviparidus** » Thu Apr 28, 2016 9:22 am

Hodie graviter pluere tenebat nec etiam cessavit. Itaque domo remanens musculos defessos nutricor.

Hac hieme raphanos sativos non habui, cujus iam me paenitet, nam semel seruntur fere sine cura tota hieme me familiamque bene delectant. Sed miror te illud holus novisse, carissime bedeure mi, quia ipse eum numquam vidi cum Novo Eboraco (NY) habitarem. Venduntne eum tabernae in loco tuo? Enumquam edisti?

YouTube · Post by **bedwere** » Thu Apr 28, 2016 11:55 pm

Sane vendunt, dilecte Viviparide, in tabernis orientalibus, quae plurimae hic exsistunt. Ibi enim emo eos una cum Cololabide saira.

Cololabis saira

Praeterea emo pastam quae miso lingua tua nuncupatur nec non alias mihi saltem miras res (ova nigra, garum, et cetera).
Mane autem caelum rorabat. Nunc vero serenum est.

Viviparidus · Post by **Viviparidus** » Fri Apr 29, 2016 6:47 am

Ehem, quam rectus es, optime bedeure mi, ut cum illo pisce raphanum sativum emeres! Certo matteam optimam quam nemo patriae meae queritur perficiunt cololabis saira assus cum expinsa radice alba, comitata oryzis et jure miso...... O, esuries!

Post meridiem imber tandem desiit et iam sudum est.

YouTube · Post by **bedwere** » Fri Apr 29, 2016 9:12 pm

Hic, amicissime mi, caelum partim nebulosum est ac ventus flat. Gratias autem tibi ago ob imaginem militum!